இஸ்ரோவில் வேலைவாய்ப்பு 2026: மாத சம்பளம் ₹69,100 வரை! ITI, டிப்ளமோ, பட்டதாரிகள் விண்ணப்பிக்கலாம்!
சென்னை:
மத்திய அரசின் நேரடி மேற்பார்வையின் கீழ் செயல்படும் இந்திய விண்வெளி ஆராய்ச்சி நிறுவனம் (ISRO), அதன் பெங்களூருவில் உள்ள ஐஸ்ட்ராக் (ISTRAC) மையத்தில் காலியாக உள்ள 26 நிரந்தரப் பணியிடங்களை நிரப்புவதற்கான அதிகாரப்பூர்வ அறிவிப்பை வெளியிட்டுள்ளது. தகுதியும் விருப்பமும் உள்ள இந்தியக் குடிமக்கள் இதற்கு ஆன்லைன் மூலம் விண்ணப்பிக்கலாம்.
காலிப்பணியிடங்களின் விவரங்கள் (மொத்தம்: 26 இடங்கள்):
| பதவியின் பெயர் | காலிப்பணியிடங்கள் | கல்வித் தகுதி |
| டெக்னீஷியன் B (எலக்ட்ரானிக் மெக்கானிக்) | 8 | SSLC/பத்தாம் வகுப்பு + சம்பந்தப்பட்ட துறையில் ITI (NTC/NAC) |
| டெக்னீஷியன் B (தச்சர்) | 1 | SSLC/பத்தாம் வகுப்பு + தச்சர் துறையில் ITI |
| வரைவாளர் B (சிவில் / மெக்கானிக்கல்) | 2 | SSLC/பத்தாம் வகுப்பு + Draftsman ITI சான்றிதழ் |
| தொழில்நுட்ப உதவியாளர் (எலக்ட்ரானிக்ஸ்) | 6 | சம்பந்தப்பட்ட பொறியியல் துறையில் முதல் வகுப்பில் தேர்ச்சி பெற்ற டிப்ளமோ (Diploma) |
| தொழில்நுட்ப உதவியாளர் (மெக்கானிக்கல்) | 1 | முதல் வகுப்பில் தேர்ச்சி பெற்ற மெக்கானிக்கல் இன்ஜினியரிங் டிப்ளமோ |
| அறிவியல் உதவியாளர் (கணினி அறிவியல் / கணிதம்) | 5 | முதல் வகுப்பில் தேர்ச்சி பெற்ற B.Sc (Computer Science / Maths) இளங்கலைப் பட்டம் |
| நூலக உதவியாளர் – ‘A’ | 1 | நூலக அறிவியல் துறையில் பட்டப்படிப்பு / முதுகலைப் பட்டம் |
| சமையல்காரர் – ‘A’ | 1 | பத்தாம் வகுப்பு தேர்ச்சி + சமையல் துறையில் பணி அனுபவம் |
வயது வரம்பு மற்றும் தளர்வுகள்:
விண்ணப்பதாரர்கள் 18 முதல் 35 வயதுக்குள் இருக்க வேண்டும். மத்திய அரசு விதிகளின்படி குறிப்பிட்ட பிரிவினருக்கு வயது வரம்பில் தளர்வுகள் வழங்கப்படும்:
-
SC / ST பிரிவினர்: 5 ஆண்டுகள் வரை தளர்வு (40 வயது வரை விண்ணப்பிக்கலாம்)
-
OBC பிரிவினர்: 3 ஆண்டுகள் வரை தளர்வு (38 வயது வரை விண்ணப்பிக்கலாம்)
-
மாற்றுத்திறனாளிகள் (PWD): 10 ஆண்டுகள் வரை தளர்வு அளிக்கப்படும்.
சம்பள விவரங்கள் (7-ஆவது ஊதியக்குழுவின் படி):
-
தொழில்நுட்ப உதவியாளர் / அறிவியல் உதவியாளர் / நூலக உதவியாளர்: நிலை-7 (Level 7) அடிப்படைச் சம்பளம் ₹44,900 முதல் ₹1,42,400 வரை (இதனுடன் மத்திய அரசு சலுகைகளும் உண்டு).
-
டெக்னீஷியன் B / வரைவாளர் B: நிலை-3 (Level 3) அடிப்படைச் சம்பளம் ₹21,700 முதல் ₹69,100 வரை வழங்கப்படும்.
தேர்வு செய்யப்படும் முறை:
விண்ணப்பதாரர்கள் பின்வரும் நிலைகளின் அடிப்படையில் தகுதியின் தரம் பிரித்துத் தேர்வு செய்யப்படுவார்கள்:
-
எழுத்துத் தேர்வு (Written Test): கொள்குறி வகை வினாக்கள் (Objective Type).
-
திறன் தேர்வு / செய்முறைத் தேர்வு (Skill Test / Practical Test): தகுதி காண் தேர்வு மட்டுமே (Qualifying Nature).
-
விண்ணப்பிக்கும் முறை மற்றும் கடைசி தேதி:
தகுதியான விண்ணப்பதாரர்கள் இஸ்ரோவின் அதிகாரப்பூர்வ இணையதளம் வாயிலாக மட்டுமே ஆன்லைனில் விண்ணப்பிக்க வேண்டும்.
-
விண்ணப்பிக்கக் கடைசி நாள்: ஜூலை 20, 2026
-
அதிகாரப்பூர்வ இணையதளம்: www.isro.gov.in
