மதுரை ஸ்பெஷல் மட்டன் கோலா உருண்டை! எண்ணெயில் உடையாமல் மொறுமொறுப்பாகச் செய்வது எப்படி?

மதுரை ஸ்பெஷல் மட்டன் கோலா உருண்டை! எண்ணெயில் உடையாமல் மொறுமொறுப்பாகச் செய்வது எப்படி?

ஆரோக்கியம் & உணவு: அசைவ விருந்துகளில் அனைவராலும் விரும்பிச் சாப்பிடப்படும் முக்கிய உணவு மதுரை மட்டன் கோலா உருண்டை. பலருக்கும் வீட்டில் கோலா உருண்டை செய்யும்போது எண்ணெயில் போட்டு எடுத்ததும் உருண்டைகள் உடைந்து சிதறுவது பெரிய சவாலாக இருக்கும். சரியான பதத்தில் மசாலா மற்றும் பொட்டுக்கடலை மாவைச் சேர்த்துப் பிசைந்தால், கடைகளில் கிடைப்பது போல மொறுமொறுப்பான கோலா உருண்டையை வீட்டிலேயே எளிதாகச் செய்யலாம்.

(குறிப்பு: இதே செய்முறையைப் பயன்படுத்தி வாழைக்காய் அல்லது மீல் மேக்கர் (Soya Chunks) கொண்டும் சைவ கோலா உருண்டை தயாரிக்கலாம்).

தேவையான பொருட்கள்:

• மட்டன் கீமா (கொத்துக்கறி): 250 கிராம்

• சின்ன வெங்காயம்: 15 (பொடியாக நறுக்கியது)

• இஞ்சி-பூண்டு விழுது: 1 பெரிய கரண்டி

• பச்சை மிளகாய்: 2

• மஞ்சள் தூள்: 1/4 டீஸ்பூன்

• மிளகாய் தூள்: 1 டீஸ்பூன்

• பொட்டுக்கடலை மாவு: 3 முதல் 4 மேசைக்கரண்டி

• உப்பு: தேவையான அளவு

• எண்ணெய்: பொரிப்பதற்குத் தேவையான அளவு

அரைப்பதற்கு:

• துருவிய தேங்காய்: 2 மேசைக்கரண்டி

• சோம்பு: 1 டீஸ்பூன்

• கசகசா: 1/2 டீஸ்பூன்

• பட்டை, கிராம்பு, ஏலக்காய்: தலா 2

• மிளகு: 1/2 டீஸ்பூன்

செய்முறை விளக்கம்:

1. மட்டன் தயாரிப்பு: மட்டன் கீமாவை நன்றாகக் கழுவி, அதில் சிறுதுளி தண்ணீரள்கூட இல்லாதவாறு கைகளால் நன்றாகப் பிழிந்து தனியாக எடுத்து வைக்கவும். (ஈரப்பதம் இல்லாததே உருண்டைகள் உடையாமல் இருக்க முக்கியக் காரணம்).

2. மசாலா அரைத்தல்: அரைப்பதற்குத் தேவையான பொருட்கள் அனைத்தையும் ஒரு மிக்ஸி ஜாரில் சேர்த்து, தண்ணீர் ஊற்றாமல் கொரகொரப்பாக அரைத்துக் கொள்ளவும்.

3. கலவை தயாரித்தல்: அதே ஜாரில் பிழிந்து வைத்துள்ள மட்டன் கீமா, சின்ன வெங்காயம், பச்சை மிளகாய், இஞ்சி-பூண்டு விழுது மற்றும் மசாலாத் தூள்களைச் சேர்த்து ஒரே ஒரு முறை மட்டும் லைட்டாகச் சுழற்றி (Pulse) எடுக்கவும்.

4. மாவு பிசைதல்: அரைத்த கலவையை ஒரு பாத்திரத்திற்கு மாற்றி, பொட்டுக்கடலை மாவு மற்றும் தேவையான அளவு உப்பு சேர்த்துத் தண்ணீரின்றி கெட்டியாகப் பிசையவும்.

5. உருண்டை பிடித்தல்: பிசைந்த மாவிலிருந்து சிறிய எலுமிச்சம்பழ அளவுக்கு உருண்டைகளாகப் பிடித்து ஒரு தட்டில் வரிசையாக எடுத்து வைக்கவும்.

6. பொரித்தெடுத்தல்: வாணலியில் எண்ணெய் ஊற்றி மிதமான தீயில் சூடாக்கவும். எண்ணெய் சூடானதும் உருண்டைகளை மெதுவாகப் போட்டு, மிதமான தீயிலேயே வைத்து பொன்னிறமாகப் பொரித்தெடுத்தால், மொறுமொறுப்பான மதுரை மட்டன் கோலா உருண்டை தயார்!