ISRO-வில் பணியாற்ற விரும்புகிறீர்களா? எந்தப் பட்டப்படிப்பும் போதும்; ₹81,000 வரை சம்பளம் – 242 காலியிடங்களுக்கு அறிவிப்பு!
சென்னை: இந்திய விண்வெளி ஆராய்ச்சி நிறுவனம் (ISRO) பணியாளர் நியமனத்திற்கான அறிவிப்பு ஒன்றை வெளியிட்டுள்ளது. இதில் ‘கிளார்க்’ (Clerk) மற்றும் ‘ஜூனியர் பர்சனல் அசிஸ்டண்ட்’ (Junior Personal Assistant) ஆகிய பதவிகளுக்கான மொத்தம் 242 காலிப்பணியிடங்கள் நிரப்பப்படவுள்ளன. எந்தவொரு பட்டதாரியும் இந்தப் பணிகளுக்கு விண்ணப்பிக்கத் தகுதியுடையவர்கள். தேர்ந்தெடுக்கப்படும் விண்ணப்பதாரர்களுக்கு மாதம் ₹81,000 வரை சம்பளம் வழங்கப்படும்.
பின்னணி விவரம்: இந்திய விண்வெளி ஆராய்ச்சி நிறுவனத்தின் (ISRO) தலைமையகம் பெங்களூரில் அமைந்துள்ளது. அமெரிக்கா, ரஷ்யா மற்றும் சீனா ஆகிய நாடுகளுக்கு இணையாக விண்வெளி ஆராய்ச்சியில் சாதனைகளைப் படைத்து வரும் ISRO-வில் பணியாற்றுவது லட்சக்கணக்கான இளைஞர்களின் கனவாக உள்ளது. இந்நிறுவனம் பிரதமரின் அலுவலகத்தின் நேரடி மேற்பார்வையின் கீழ் இயங்குகிறது.
காலிப்பணியிட விபரம்:
-
உதவியாளர் / கிளார்க் (Assistant / Clerk)
-
ஜூனியர் பர்சனல் அசிஸ்டண்ட் / ஸ்டெனோகிராபர் (Junior Personal Assistant / Stenographer)
-
மொத்த காலியிடங்கள்: 242
கல்வித் தகுதி:
-
கிளார்க் பணிக்கு: அங்கீகரிக்கப்பட்ட கல்வி நிறுவனத்தில் ஏதேனும் ஒரு துறையில் பட்டம் பெற்றிருக்க வேண்டும் மற்றும் குறைந்தபட்சம் 60% மதிப்பெண்கள் பெற்றிருக்க வேண்டும். கணினி பயன்பாட்டில் திறன் பெற்றிருப்பது அவசியம்.
-
ஜூனியர் பர்சனல் அசிஸ்டண்ட் / ஸ்டெனோகிராபர் பணிக்கு: ஏதேனும் ஒரு துறையில் குறைந்தபட்சம் 60% மதிப்பெண்களுடன் பட்டம் பெற்றிருக்க வேண்டும் மற்றும் ஓராண்டு தொடர்புடைய பணி அனுபவம் இருக்க வேண்டும்.
வயது வரம்பு:
-
விண்ணப்பதாரர்களின் வயது 28-க்கு மிகாமல் இருக்க வேண்டும்.
-
வயது வரம்புத் தளர்வு: அரசு விதிமுறைகளின்படி SC/ST பிரிவினருக்கு 5 ஆண்டுகளும், OBC பிரிவினருக்கு 3 ஆண்டுகளும் தளர்வு உண்டு. பொதுப் பிரிவைச் சேர்ந்த மாற்றுத்திறனாளிகளுக்கு (PwD) 10 ஆண்டுகள் தளர்வு அளிக்கப்படுகிறது (அதாவது 38 வயது வரை விண்ணப்பிக்கலாம்).
சம்பள விவரங்கள்:
-
உதவியாளர் / கிளார்க்: ஊதியக் குழு நிலை 4 (Pay Level 4) – ₹25,500 முதல் ₹81,100 வரை.
-
ஜூனியர் அசிஸ்டண்ட் / ஸ்டெனோகிராபர்: ₹25,000 முதல் தொடங்கும்.
தேர்வு முறை:
-
எழுத்துத் தேர்வு (Written Exam)
-
திறன் தேர்வு (Skill Test)
-
சான்றிதழ் சரிபார்ப்பு (Document Verification)
விண்ணப்பக் கட்டணம்: விண்ணப்பக் கட்டணமாக ₹500 செலுத்த வேண்டும். இக்கட்டணம் பெண்கள் மற்றும் SC/ST விண்ணப்பதாரர்களுக்கும் பொருந்தும்; இருப்பினும், தேர்வர் தேர்வில் கலந்துகொண்ட பிறகு முழு கட்டணமும் திருப்பி அளிக்கப்படும்.
முக்கிய தேதிகள் & இணையதளம்: தகுதியும் விருப்பமும் உள்ள விண்ணப்பதாரர்கள் இணையவழியில் விண்ணப்பிக்கலாம்.
-
விண்ணப்பிக்கத் தொடங்கும் நாள்: 27.07.2026
-
விண்ணப்பிக்கக் கடைசி நாள்: 16.08.2026
-
அதிகாரப்பூர்வ இணையதளம்: isro.gov.in
